نائل المظفر"المعجزة البيضاء"" "الشعر كتابة" ماكو اقوى منها

شلونكم ؟
ما اتصور اكو قصيدة لشاعر توصل لهذا الدرجة من البراعة
من حيث الكلمات
والوصف
الوزن والقافية

المعجزة البيضاء



[size=16]الواحد فرد و ما يقبل التقسيم
بس أنة أنقسم وبدونك أتعدد
أتقسم بدونك وأنجمع وياك
لأن كلي وية كلك بيك يتوحد
جنت جاهل وأجيك أتشرد من الناس
هسة تعلمت من نفسي أتشرد
عشكتك ذرة ذرة وصرت أغار عليك
وإذا محد يبوسك أذبح المحد
ولك لا تنطرح يم ناس تعبانين
مو طولك حصار شلون تمدد
وشعرك ليلة ظلمة أتوحشت عالريح
كلما صب عليها تلفلفة بأسود
وجبينك أيد موسى المعجزة البيضاء
مو حقه الكفر من شافك أتعبد
وفراشة نور أذنك والزلف خطاف
مرة يحط عليها ومرة يتعبد
وجفنينك سمة ومجفي على رمشك ليل
وإذا ترمش يظل فرقد يطك فرقد
وعلى خدودك صور منقوشة من بوسات
أفتش بالصور ما باسك أحد
وشفتينك شمس من تبتسم نصين
يكطعها البرقد وبنصها يتجمد
وحنجك صدر بجفه انصاغك من النور
وإذا ماتت شمس من نوره تتولد
ومثل زمزم ركبتك نص ذهب ونص جام
وعين الماي هاي العصدر تركد
وأنام بباب صدرك وأندبك وأنخاك
كبتين الذهب ما تشفع لأحد
يبو أيد الثلج لا تطلع بتموز
مو خاف الثلج خاف البشر تبرد
وإذا مو ثلج كل هالبياض منين
معقولة العظم فوك الجلد يصعد
يالجتفك منارة بيا شرع بيا دين
اموت من العطش وكبالك أتشهد
وحدر جتفك فرات ودجلة ملتقيات
وشفت جوة الجتف شط العرب ممتد
يبو ساك الكطن ليش أفتحلك باب
مو خاف الكطن بالعيت يتفرهد
خطواتك حضارة وخصرك التاريخ
وإذا تمشي العرب فوك الفرس تصعد
وعلي كلما تمر يجبرني حسن البيك
أوصفنك لجن من وصفك أتردد
لذلك ما وصفتك و أعتذر يهواي
وصفت الخيال المنك تولد


وشكرا